Organisacion Caballista Aruba a dedica nan promer evento, Competencia di Jinete y Amazona na un baluarte Gino Werleman

72 dia pasa , 13 di april 2019 18:38
Seccion: deporte
foto di Organisacion Caballista Aruba  a dedica nan promer evento, Competencia di Jinete y Amazona na un baluarte Gino Werleman
Boogaard Assurantiën - P'abo Ta Bon Segura!
foto di Organisacion Caballista Aruba  a dedica nan promer evento, Competencia di Jinete y Amazona na un baluarte Gino Werlemanfoto di Organisacion Caballista Aruba  a dedica nan promer evento, Competencia di Jinete y Amazona na un baluarte Gino Werleman
Megavit - Lejuez Brothers International

Organisacion Caballista Aruba a dedica nan promer evento Competencia di Jinete y Amazona na un baluarte Gino Werleman
Organisacion Caballista Aruba (OCA) tabata tin nan promer competencia di aña 2019 organisa pa nan Directiva nobo. Fin di Januari e proceso democratico a tuma lugar unda den un Algemene Leden Vergadering OCA a eligi su Presidente nobo Sr Arnold “Nolly” Martinus hunto cu su miembronan di Directiva nobo Myron Wever Vice Presidente, Leticia Valdez 1st Secretaris, Juliana Cardona Benevides 2nd Secretaris, Alina Mansur 1st Tesorero, Ignar Genser 2nd Tesorero, Fernando Lewis Comisiario. Despues di esaki e Directiva a keda encarga pa organisa nan promer evento. Diasabra 30 y diadomingo 31 di Maart a tuma lugar Competencia di Jinete y Amazona na Rancho Bello Amanecer. Durante apertura Presidente Noli Martinus hunto cu su Directiva a jama Parlamentario Endy Croes representando Gabinete Wever Croes y Minister di deporte Sr. Danqui Oduber pa hasi entrega di un plakaat. Poko mas despues a manda jama dilanti un baluarte den e ramo di cabay esta Gino Werleman pa homenagea su persona dedicando e evento aki na su nomber. Gino Werleman acompaña pa su famia entre otro querido tata y mama Oscar y Maritsza Werleman cu su esposa Juliana mas cantidad di amistadnan cu tabata presente. Endy Croes a hiba un speech y despues bay over na lesa e texto riba e bunita plakaat di reconosemento entregando esaki na Gino Werleman. Mas cu klaro momentonan di hopi emocion ora Bo ta wordo rekonosi pero alaves un momento di alegria y satisfacion total. MC Juan Zuleta a repasa poko di e historia bunita di Gino Werleman. Gino su bida cabayista a cuminsa hopi tempran y ta danki na su mayornan cu a regale un cabay yegua cu jama Romantica. Ja na un edad di 3 aña Gino a cuminsa core su yegua Romantica su so. Na edad di 10 aña e tabata warda su mama pega soño merdia y e tabata huy bay Rancho Niñas pa topa Nico Heinze kende a siñe pa e no tin miedo di cabay mientras Manuel Zuleta a siñe e respect cu e mester tin pa cabay y con pa trata bestia, cuida nan boca y presenta bon. Cu e apoyo di su querida mama y papa Gino a lanta cu un enorme amor y pasion pa cabay. Gino ta conosi pa prepara cabaynan cu problema y maneha nan di tal forma sacando mihor probecho di nan destacando asina den competencia. Gino Werleman a fungi tambe como head coach di selecion di Aruba. Banda di esaki Gino a percura pa siña su juinan y sobrina pa lanta den e deporte di equitacion aki. Gino tur pero tur dia ta dedica y train su cabaynan y semper ta presente na tur feria. Den bon y menos bon momento cual sigur ta di aprecia. Gino hunto cu su jui di 12 aña a representa Aruba na diferente ferianan internacional manera Coro, Barquisimetro, Punto Fijo y Corsow. Gino su palabranan di semper ta “ Respeta bo cabay pa E respeta Bo, y no hasi cune locual bo no kier nan hasi cu Bo”. Gino ta mira cabay manera un miembro di famia y hasta ta papia cu nan. Directiva di Organisacion Caballista Aruba (OCA) a gradisi Gino Werleman pa su aporte y dedicasion na deporte y merecidamente ta dedica Competencia di Jinete y Amazona 30 y 31 Maart 2019 na su honor. Masha masha Danki Gino pero alaves danki na Bo mayornan, esposa, juinan y henter famia cu ta sostene Bo cu henter nan curason. Pabien!!!!

Maaza - Mango, Fruitpunch, Passionfruit
ORGINAL SWAT