Dama cu a hit and run Ana Quandus di 82 aña mata a ser laga den libertad

31 dia pasa , 18 di april 2019 23:31
Seccion: incidente
foto di Dama cu a hit and run Ana Quandus di 82 aña mata a ser laga den libertad
Boogaard Assurantiën - P'abo Ta Bon Segura!
Megavit - Lejuez Brothers International

E accidente cu a tuma luga dia 3 di Maart unda a hit and run un peaton a conduci na un detencion. E dia ey un Hyundai Getz bayendo nort a dal Ana Quandus di 82 aña na altura di Tanki Flip poco prome cu e rotonde. E yiu homber a yega haya e mama benta. Mas auto a pasa bay manera nada a pasa despues cu e Hyundai Getz a dal e peaton. Algun dia despues Ana Quandus a fayece. Polisnan a los algun grabacion di cameranan di seguridad pa asina purba yega na e auto. Polisnan di trafico cu a presenta a cuminsa un investigacion riba e caso. A dura algun siman di investigacion. Pueblo tabata pendiente pa haya sa kende a comete e acto y nunca mas a sali dilanti pa bisa cu el a dal e peaton cu consecuencia fatal. Tabata un investigacion hopi profundo pasando varios caminda riba e ruta cu a sospecha e huida di e Getz. Asina a yega na e auto cu a dal y finalmente hasta na e sospechoso. A yega tambe na diferente pieza cu a kita di e auto pa pone nobo y subi caya bek manera nada a pasa. A yega e momento cu e pruebanan necesario pa pone man riba e sospechoso. Fiscal a analisa tur e trabou intensivo haci y asina a pone man riba e sospechoso moviendo banda di DIMAS y a dune señal pa para. El a stop banda di Cas di Partido riba e area di para auto. A mustre riba su derechonan y bay over na detencion. El a admiti di tabata chauffeur di e auto cu a hit and run. El a keda sera y despues a mande KIA tambe. Mientrastanto diabierna atardi a duna ok pa e haya su libertad. Hopi a kere cu kizas e no ta sospechoso mas. A busca informacion na Ministerio Publico y eynan a tende cu e ta keda sospechoso. Fuentenan ta confirma cu el a admiti. Mirando cu e caso ta afgerond, a lage den libertad. A confirma cu e ta sigui sospechoso y su caso lo ser presenta den corte pa e caso di hit and run fatal. Hopi pregunta a bin dilanti con bin a lage bay caba? Autoridad ta bisa cu nos leynan ta hopi anticua. Si tabata na Merca ta hopi aña e lo a sinta. Na Aruba leynan bieu ta duna espacio pa hopi sospechoso get away cu poco castigo of cu algun dia solamente di prison.

ORGINAL SWAT
Wendy's Flavor Fest! Limited time only, Barbecue and Mushroom
ORGINAL SWAT