Complicacion a causa morto di motociclista accidenta

27 dia pasa , 19 di mei 2019 13:57
Seccion: incidente
foto di Complicacion a causa morto di motociclista accidenta
Boogaard Assurantiƫn - P'abo Ta Bon Segura!
foto di Complicacion a causa morto di motociclista accidenta
Megavit - Lejuez Brothers International

Dia 3 di April a sosode un accidente riba LG Smith Boulevard den oranan di merdia. Un chauffeur cu un SUV a reverse for di un oficina pa subi caminda y bay direccion pariba. E hoben motociclista Yerlin Mendieta Gomez naci 8-02-1994 tabata bin poco duro di pabou. E no a logra para na tempo ora SUV a reverse subi caminda. E hoben a dal den e parti patras di e SUV y motociclista a cay riba caminda. Di a dia ey te cu awe e hoben a keda lucha pa su bida. Famia y Amigonan tabata tin Yerlin Mendieta den oracion. El a haya diferente complicacion. A mande Colombia mesora y na Bucaramanga diferente dokter a trata di atende cu Yerlin Mendieta riba su complicacionnan. E slanan paden tabata hopi y basta pisa. A haci mas cu diez operacion. E situacion tabata birando cada dia pio. No a pensa cu un accidente di dia 3 di April lo conduci na morto di e hoben aki riba un 19 di Mei. Famia y amigonan ta den un dolor inmenso. No ta conoci si aki por papia di morto den trafico mirando e tempo cu a transcuri. Pas na su restonan y hopi forsa na famia y amigonan.

Maaza - Mango, Fruitpunch, Passionfruit
ORGINAL SWAT