POLISNAN DI E BRIGADA MOTORIZA A PARA AUTO ACTUANDO SOSPECHOSO Y BINGO A BIN HAYA DROGA DEN AUTO Y A DETENE 4 HOBEN

Diasabra marduga manera costumber polisnan di e brigada motoriza tabata teniendo control riba Sasakiweg, na cierto momento a tuma nota di un vehiculo Vcar unda esnan den e auto a haci movecionnan sospechoso ora nan a wak polis y a purba core pa nan.
E agentenan motoriza mesora a bay nan tras y asina a logra para nan. Ora cu a para nan a tene un control den e Vcar y a ponenan e sospechosonan para pafo y mesora e agentenan a nota di droga den auto. Mesora a pidi resfuerzo di mas agente policial pa asina detene e sospechosonan aki. Den e auto a bin haya un cantidad di marihuana den un saco di plastic y tambe cocaina. Tur esnan den e auto a ser deteni y a ser hiba na warda di polis na Shaba. Ta trata aki di sospechosonan cu ta cu vakantie aki na Aruba.