Accidente fatal riba e caminda di Ponton, motociclista a perde su bida

Diamars mainta a drenta imforme di un accidente basta serio cu hende herida na Ponton, mesora a dirigi tanto polis como ambulans na e sitio. Na yegada di e patruya a bin nota cu esaki lo por ta trata di un accidente cual mester avisa tur instancianan concerni. E accidente a sosode na momento cu e chofer di e Honda CRV A47882 biniendo di nort a bay bira pa drenta Katunastraat net na e momentonan ey e chofer no a ripara cu tras di e auto tabata bini e scooter y a bira su dilanti. E impacto tabata dobbel y a resulta fatal pa e victima Edwin Andres Londoño naci na Colombia 2 di februari 1984 y tabata biba na Bubali 119-a. Nos ta manda palabranan di profundoncondolencia na famianan di e fayecido.