Dama a resulta herida den accidente na Washington

Diaranzon atardi a drenta informe di un accidente cu brommer envolvi y cu tin hende herida na Washington, mesora a dirigi tanto polis como ambulans na e sitio.  Na yegada di e patruya a bin compronde cu na altura di Washing Minimarket, un auto Altezza color shinishi a bira dilanti di e brommer y aparentemente e brommer tabata biniendo cu velocidad halto y no por a hala pa e auto y menos brake, e la touch e auto y e dama patras riba e brommer a ser herida. Mesora ambulans a yega na e sitio y a atende dama y a transporte pa hospital. E cabayero no haya nada, te hasta segun testigo aparentemente despues di e impacto ela lanta schop e auto machike un poko y despues a bay sinta bek abao. Despues di e accidente a medio tin un discusion entre e mama di e manehador di e Altezza y e motociclista, polis mesora a intermedia y a bisanan pa cana nan camindanan legal y atende cu nan aseguronan.