KING BOTTLE TA RABIA CU BARIDO DI CAYA
Asistencia di polis a wordo pidi dialuna mainta 7.30 den L.G. Smith Blvd, na haltura di un joyeria, naunda dos persona tabata na punto di bringa cu otro. Na e sitio polis a bin topa cu e conocido King Bottle kende tin problema cu un barido di caya. King Bottle ta bisa polis cu e barido di caya ta molesti’e. E barido tambe a bay cerca polis y ta bisa polisnan cu tur dia e mester benta sushi cu King Bottle ta laga riba caya den e bari. E ta bisa cu King Bottle a pone e sushi banda di e bari, enbes di bente aden. Polis a papia cu King Bottle a bise cu e mester benta e sushi den e bari. El a rabia y a bisa e polisnan cu e tin 15 aña ta para eynan. E ta bisa polisnan cu tur hende tin problema cune awor, y a bisa cu e ta bay Minister pa bisa cu nan ta molesti’e. Polisnan a bise si e pone e sushinan den bari, e no tin problema.
Comparti e sucedido aki cu mas hende via:  Facebook of  Twitter |
