ACCION RELAMPAGO DI KUSTWACHT A PRODUCI 2 DETENCION LOTE DI MAS DI 50 KILO DI DROGA, SPEEDBOAT Y TAMBE ARMA DI CANDELA

Diaranzon mainta segun informacionnan inoficial miembronan di Kustwacht a dal un tremendo hit contra narcotrafico na costanan pazuid di Aruba cerca di airport unda eynan a bin encontra cu un speedboat cu 2 persona riba dje y cu tabata tirando un lote basta grandi di droga cerca di e costa na e rifnan pazuid. Mesora nan a nota cu e boto aki tabata benta algun bulto den lama pero ya nan tabata tin nan na bista mesora a aborda e boto I love Aruba matricula A-1806 y a detene e 2 sospechosonan un venezolano y e otro J.D. di 46 aña cu ta biba na Tarabana den e boto a bin haya hopi droga mes como tambe den lama a haya algun bulto. A pidi e team di polis cu sa dive pa asina sigui busca y saca e otro bultonan scondi den lama. E sospechosonan aki a ser pasa pa e seccion di crimen organisa pa asina continua cu e investigacion. Den un siguiente informe nos lo presenta cu mas detaye di e caso aki.