AWE24 ta wordo maneha pa e reporteronan y bao di nan tin dos otro partido pa e parti technico. Tur tres partido ta comparti e mesun vision. Esta pa mantene un plataforma cu ta raporta y categoriza incidentenan pa asina asisti Pueblo den combati problemanan contemporario cu ta afecta nos sociedad. E ta un vision cu mas y mas hende den e sociedad Arubano ta comparti y den varios caso a sa di depende ariba e informacion cu AWE24 a trece padilanti pa yuda completa nan trabao. Pensa aki ariba nos cuerpo policial of companianan di seguro. Mas serca di Pueblo, AWE24 a logra yuda victimanan di entre otro ladronicia pa haya nan pertenencianan bek.

Pa realisa, mantene, y sigui desaroya ariba e plataforma, AWE24 su empresa ta consisti di un team multi-discplinario cu ta wordo parti den:

1. Contenido, maneha pa e reporteronan.
2. Departamento technico, externaliza pa dos compania esta simPLUS Solutions for di Hulanda y Dot 1 Technologies for di Aruba.

Pa Sales y Marketing por tuma contacto sea cu AWE24 of cu Dot 1 Technologies na e siguiente number y email adres:

• 743-1770, of
• Dot 1 Technologies:

Dia 7 di maart 2004, un noticiero bao titulo di 2x24 a cuminsa raporta incidentenan cu ta pasa ariba nos isla. E noticiero tabata wordo raporta pa Sr. Richard Laclé y tabata wordo transmiti tres biaha pa siman for di Caribbean Super Station (CSS canal 24) ariba Cable TV Aruba. Durante e temporada aki, e pioneronan di SMS na Aruba (cu ta responsabel pa sVe y Station-X), esta Sr. Leopold Laclé y Sr. ing. Francis Laclé a cuminsa experimenta cu e transmision di SMS y un news ticker pa noticiero 2x24. Ademas, pa e website di CSS – Bo Canal 24, Sr. Leopold Laclé a desaroya un plataforma cu el a duna como titulo Mo-Blog. Esaki ta afkorting pa Mobile-Blogging. E idea, cual temponan aya tabata ser considera inovativo, ta ensera e posibildad pa saka un potret via bo telefon celular, agrega texto, email esaki pa e website y den un instante e fragmento lo parece ariba Internet. Mo-Blog tabata wordo usa pa 2x24 y den su prome try-run a raporta e caida di nos natural bridge y e desaparicion di Natalee Holloway. Sr. Richard Laclé a raporta esaki cu solamente un VGA camera di un Nokia GSM model 6230. Pues e servicio aki tabata e trendsetter y prome noticiero cu a raporta al instante via Internet pa e pueblo Arubano. Despues cu CSS a bai for di aire y a sera su portanan, e colaboracion aki a desmantela y lo a dura casi dos aña pa por encontra otro bek y sigui for di unda nan a keda.

Na aña 2008, ariba februari 17 pa ta exacto, e reportero Sr. Richard Laclé a cuminsa bek cu su profesion den e forma di un website bao titulo AWE24. E estilo lo tabata similar cu 2x24 solamente cu e medio lo tabata Internet. Sinembargo, sin mucho experiencia technico, el a pidi asistencia di simPLUS Solutions y Dot 1 Technologies pa yuda drecha e calidad di e website y asina logra forma un colaboracion cu te dia di awe ta traha hunto pa drecha e calidad y profesionalismo di AWE24 pa semper keda un paso mas dilanti di e competidor. Asina nos ta e prome di a introduci integracion cu Facebook y Twitter y a crea nos propio Boletin di Tempo cu ta agrega datos for di NASA y NOAA. Den e version actual nos ta sigui inova y awor nos ta prome website di Aruba cu a introduci Geolocation, QR code pa bo telefon y un website cu ta HTML5 ready.

E departamentonan technico ta consisti di diferente ingenierionan cu tin mas cu 10 aña di experiencia den ramo di software y hardware development. Cada departamento tin su trabao y expertisio cual ta ser ilustra akibao:

Loke ta haci AWE24 diferente di e competidor ta sinta na e presentacion di su producto. Cu AWE24, simPLUS Solutions y Dot 1 Technologies ta prueba cu e desaroyo di un website di noticia cu ta wordo traha from scratch al final lo resulta den un producto na unda tur cos ta posibel y cu full control ariba e implementacion di un component.

Akibao tin un lista di algun beneficio cu esaki ta trece cune:

1. Mihor seguridad, stabilidad, y capacity-planning ariba servers.
2. Ningun limitacion den loke e software y hardware por haci of por brinda.
3. Site Performance y page loading-speed cu ningun competidor por vence.
4. Minimalisacion di tempo entre raporta y presenta informacion.
5. Resolvimento di problemanan of 'bugs' den un periodo mas cortico.

Al final esaki ta resulta na un bishita cu ta duna e lector mas balor pa su tempo dor di mustra e informacion mas liher y den un forma consistente. Den e version aki, e departamentonan technico ta bai asina leu di garantisa 0% down-time pa motibo cu e capacidad di cantidad di bishitante a ser surpasa.

Si bo ta un comerciante cu kier target e populacion mundial cu ta papia papiamento, e ora AWE24 por ta un solucion. Ademas di ricibi un gran parti di bishitanan local, AWE24 ta ricibi bishitanan regular for di paisnan mane Hulanda, Merca, nos region caribeño y di paisnan habla hispana mane por ehempel Colombia, Venezuela y Costa Rica.

Nos estadisticas interno ta mustra cu luna tras di luna AWE24 ta sigui crece den cantidad di bishitante. E 'metric' (den Hulandes yama meeteenheid) cu nos ta usa pa midi e cantidad di usuarios ta 'unique visitors'. Hopi websites na Aruba ta usa 'hits' of 'page views' pa justifica nan popularidad. Sinembargo, 'unique visitors' ta e unico metric cu ta nabo un indicacion mas preciso di cuanto usuarios ta bishita e website pa luna (den otro palabra, e cantidad di aparatonan cu un IP-ADDRESS unico cu a connecta na AWE24 via Internet pa luna).

Den e luna di januari 2012, AWE24 a ricibi un total di 31,764 bishitantenan unico. Y manera a wordo menciona caba, e cantidad aki ta crece luna tras di luna! Pa tin un mihor indicacion ainda, nos ta conseha cualkier compania pa ehecuta nan mesun market research y den e manera ey evalua pa nan mes e popularidad di AWE24.

Si bo ta interesa y kier mas informacion pa pone propaganda, yama nos libremente na:

• 743-1770 of email nos na: of .

Feedback na nos servicio ta un aspecto cu nos ta tuma hopi serio. Si bo tin un remarca ariba un incidente por fabor tuma contacto na e siguiente number y email adres: 743-1770,

Si bo tin un remarca, critica, sugerencia, of encuesta na nos departamento technico tuma contacto cu nos via e siguiente email adres:

• Si bo feedback ta ensera e website en general email simPLUS Solutions na:
• Si bo feedback ta ensera e plataforma Mo-Blog email Dot 1 Technologies na:

Si bo ta desea pa pone propaganda of comunicado di prensa tuma contacto cu un reportero of Dot 1 Technologies na: of .