Pyromannan y antisocialnan ta sigui pega mondinan na candela, esaki ya ta dimas cu nan!
Seccion: incidente
Diaranzon anochi a drenta informe di un otro candela di mondi pega cu un cas pariba di Wema Santa Cruz, mesora a dirigi un unidad di bombero na e sitio. E bomberonan a yega mesora y a inicia cu e combate y a domina e candela sin cu esaki a causa daño na e cas den cercania. Bon trabao di cuerpo di bombero cu a yega mesora na e sitio. Tur e dianan aki por nota cu tin cantidad di candela di mondi tur rond di Aruba. Ta con por tin hende cu ta asina irresponsabel di pega mondinan na candela sabiendo cu esaki por causa dañonan na propiedad di otronan y ademas ta molester y dañino pa salud di hende?
