Accidente fatal ora auto a atropeya persona y a sigui core bay

Dialuna anochi a drenta informe di un accidente basta serio ora cu un auto a dal un peaton riba Belgiestraat, mesora a dirigi tanto polis como ambulans na e sitio. Na e sitio polis di Oranjestad ta bin constata en berdad un hende muher cu no ta duna señal di bida. Dr. Mungra a presenta na e sitio y ta constata morto di e victima pa mas o menos 21:05 ora.

E victima ta e muher na bida yama:

Luz Maria Orozco Rios, Col. 22 juli 1961 Hubadastraat 3.

Investigacion ta cuminsa mesora riba e caso y un rato despues e chofer ta presenta na warda di Oranjestad pa entrega su mes.
E chauffeur ta e muher S.N. naci na Hulanda di 23 aña. y e vehiculo ta e auto Nissan Platina shinishi A-31514.
Segun e investigadornan ela declara cu e no a bebe pero ora a test e ela supla 270 ugl mientras cu e ley ta permiti maximo 220 ugl.
Ela keda deteni pa investigacion.Investigacion mester saca afor precies e motibo pa cual e accidente aki a sosode.
Na famianan di e victima Cuerpo Policial ta manda palabranan di profundo pesame pa nan perdida.

riba e ultimo foto por mira e dama chofer cu un botter den su man