Ladronnan a corta waya di telefon, destrui alarma y drenta horta cashregister completo na Jaburibari

Diabierna mainta ora cu trahadornan di Aramas Bar & Grill na Jaburibari a yega nan a nota cu ladronnan lo a kibra drenta horta, mesora nan a avisa polis y a bin descubri cu e ladronnan a ranca e waya di telefon pasa patras bula cura destrui e horn di alarma despues kibra y forza e porta drenta paden y bay cu e cashregister completo cu mas di 500 florin na placa larga, nan a bay tambe cu botter di whisky y varios paki di sigaria. Recherche tin e caso bao investigacion.