Dama chofer di Toyota Yaris a bira dilanti trafico contrario sin duna preferencia na Hato

Diaranzon mainta a drenta informe di un accidente cu hende herida na e cruzada banda di Elmar Hato, mesora a dirigi tanto polis como ambulans na e sitio. Na yegada di e patruya a bin compronde cu e dama chinees chofer di e Toyota Yaris blanco biniendo di pariba y a bay bira na man robez no a duna preferencia na e trafico di direccion contrario cu tabata bini di pabao direccion pariba y nan a dal den otro. E impacto tabata fuerte den cual tabata tin 5 persona herida. Den e Yaris tanto e dama chofer como e 2 muchanan sinta patras a dal nan curpa y un di e muchanan tabata sangra pa nanishi mientras den e otro auto e pareha di edad tambe a resulta herida. Mirando cu a pasa casi mey ora y ambulans no a presenta no a keda nada otro cu polis mes transporta 3 di e victimanan den e patruya pa hospital despues di un rato 2 ambulans a yegad na e mesun momento na e sitio y a atende e pareha di edad y a transporta nan pa hospital.