Na Mahuma dama chofer a perde control baha caminda y a bay dal den mata

Diamars madruga a drenta informe di un accidente cu hende herida na Mahuma, mesora a dirigi tanto polis como ambulans na e sitio. Na yegada di e patruya a bin compornde cu e dama chofer bayendo pariba cu velocidad halto a perde control y a baha caminda na man drechi bolter y a bay dal den un mata di kwihi unda te hasta un rama diki a perfora e windshield y a hera staca e dama na su cara. Na yegada di e ambulans mirando e situacion con e auto a keda a solicita presencia di e equipo di rescate di bombero pero despues a cancele ya cu nan a logra saca e dama y atende pa despues transporte pa hospital. Esaki ta e di 2 auto cu ta perde control y bolter den cercania di e cruzada di Mahuma den 2 dia consecutivo.