Bela den camber a hera pega full un cas na candela, bomberonan a yega mesora pa evita esaki

Dialuna mainta a drenta inforem di cu tin un camber na candela den un cas na Boegoeoroei, mesora a dirigi tanto polis como bombero na e sitio. Na yegada di e patruya abin nota cu un camber di e cas tabata na candela y a pidi pa bomberonan bini cu mas urgencia. na yegada di bombero a inicia cu un combate strategico cual a domina e candela rapidamente evitando asina e cas kima por completo. Aunke e camber a kima full y a afecta otro partinan di e cas cu huma di candela y awa tog esaki a salba mayoria parti di e cas. Un dama cu ta biba na e cas a bira malo y a solicita presencia di ambulans. Na yegada di ambulans nan a atende e dama y pa su mesun salud a hibe hospital.