Chofer no ta regula velocidad ni mantene distancia a ocasiona un accidente di cadena na Noord

Diaranzon mainta a drenta informe di un accidente na Noord, mesora a dirigi un patruya na e sitio. Na yegada di e patruya a bin compronde cu aki ta trata di un accidente di cadena entre 3 auto unda e chofer di e auto Hyundai Elantra berde A11437 bayendo direccion panort no a regula su velocidad y ni a mantene distancia a bay dal tras di e Hyundai H100 blanco A50386 y consecutivamente esaki a bay dal tras di e Ford Escape preto A45204. Aunke e impacto tabata basta fuerte afortunadamente ningun hende a resulta herida.