Durante "The Morning Show" na CoolFM a haci e prome transmission di cushina den studio di radio

Diamars mainta nos tabata tin e honer di presencia e prome transmission di cushinamento live den studio nobo di CoolFM unda Laguna Restaurant a hiba nan chef "Chino" pa asina prepara algun plato famoso di e restaurant Laguna na Radisson Hotel. A prepara webo na estilo di e cliente su gusto cu e ingredientenan cu e cliente kier y despues a prepara Teriyaki chicken y fried rice pero cu jasmine rice. Pa ultimo a pone e shrimpnan jumbo cu e delicioso lobster cual tabata e delicia final. Nos a compronde cu esaki lo bira un costumber pa CoolFM cushina den studio tur diamars mainta durante e morning show.