Sr. Francisco ‘Fico’ Vrolijk a publica su buki ‘Historia di futbol di Aruba 1909-1959

6 dia pasa , 12 di juli 2018 14:04
Seccion: social
foto di Sr. Francisco ‘Fico’ Vrolijk a publica su buki ‘Historia di futbol di Aruba 1909-1959
Boogaard Assurantiën - P'abo Ta Bon Segura!
Megavit - Lejuez Brothers International

Historia di futbol di Aruba 1909-1959

Sr. Francisco ‘Fico’ Vrolijk a publica su buki ‘Historia di futbol di Aruba 1909-1959’. Sr. Francisco ‘Fico’ Vrolijk a haci investigacion den corant bieu y otro publicacionnan na departamento Arubiana. Den e siman aki sr. Vrolijk a bishita biblioteca pa entrega un ehemplar oficialmente na directora, sra. Astrid Britten.

Francisco Vrolijk desde aña 1999 a cuminsa compila informacion y storianan di futbol local. Esaki a pidi un investigacion profundo, pasobra nunca ningun hende a skirbi detayadamente. E mester a bay bek den corantnan, cu ta yega te na aña 1940. Pa pasa den den corantnan mas bieu, manera Amigoe di Corsou, Fico a biaha pa Corsou. Tambe el a bay Baranquilla, Colombia pa verifica algun informacion adicional. A haya informacion na Hulanda for di Koninklijke Bibliotheek.

E buki ta na color y ta contene no menos di 310 pagina, cu mas o menos 250 potret y a imprimi esaki na Imprenta Panamericana na Bogota, Colombia. E intencion ta pa despues, skirbi un di dos edicion cu e historia di aña 1960 pa awor. Sheila Werleman a yuda den e layout pa garantisa un buki di calidad. Pronto lo tin mas ehemplar den circulacion pa miembronan di biblioteca por fia.

Yama Mr. Bucket!
ORGINAL SWAT