Workshop di traha piesa di decoracion cu Kwihi na Cosecha

192 dia pasa , 12 di februari 2019 17:07
Seccion: arte y cultura
foto di Workshop di traha piesa di decoracion cu Kwihi na Cosecha
Boogaard Assurantiën - P'abo Ta Bon Segura!
foto di Workshop di traha piesa di decoracion cu Kwihi na Cosecha
Megavit - Lejuez Brothers International

ORANJESTAD, ARUBA (Februari 12, 2019) – Diasabra 23 di februari Cosecha lo ofrece un workshop pa siña traha un piesa di decoracion cu Kwihi. Kwihi ta un material cu ta conoci como un mata fuerte y duradero cu semper a wordo husa pa decora nos casnan.

Durante e workshop, Natalia Koolman lo siña e participantenan con pa traha un diseño di Mandala riba un pida Kwihi. Lo asamblea e piesa pa asina por huse como un decoracion pa colga. Como nos ta den temporada di carnaval lo finalisa e piesa cu pluma.

E workshop lo tuma lugar den e Centro Creativo di Cosecha na San Nicolas y ta di 11.00 am – 1.00 pm. E prijs pa por participa ta AWG 40.00, inclujendo material y refreshment. Edad pa por participa ta 10 aña bai ariba.

Inscripcion ta necesario y esaki ta tuma lugar na Cosecha San Nicolas of na Cosecha Oranjestad.

Pa mas informacion por tuma contacto cu Cosecha San Nicolas na telefoon 5878708 of Cosecha Oranjestad na telefoon 5878709. Tambe por manda un email na cosechaworkshop@gmail.com.

Pa mas informacion pa cu Cosecha, por bishita e Facebook page di Cosecha: www.facebook.com/Aruba-Cosecha.

Prijs special pa Green Waste - Yama Mister Bucket!
ORGINAL SWAT