Parlamentario Endy Croes: Felicitando Minister Danqui Oduber

62 dia pasa , 14 di april 2019 17:05
Seccion: deporte
foto di Parlamentario Endy Croes: Felicitando Minister Danqui Oduber
Boogaard Assurantiën - P'abo Ta Bon Segura!
foto di Parlamentario Endy Croes: Felicitando Minister Danqui Oduber  foto di Parlamentario Endy Croes: Felicitando Minister Danqui Oduber
Smart Systems Aruba - Bishita nos page pa mas informacion

Parlamentario Endy Croes: Felicitando Minister Danqui Oduber

Alaves felicitando tur atletanan cu a wordo nomina y tur cu a gana premio Premio Excelencia den Deporte

Parlamentario Endy Croes ta felicita Minister Danqui Oduber cu e tremendo anochi reconosiendo nos atletanan kendenan a destaca durante aña 2018. Diabierna 12 di April den Ballroom di Mariott Hotel e comision organisador a pone un bunita anochi di gala unda tur atletanan kendenan a wordo nomina a presenta den compania di nan famia pa asina presencia y mira kendenan lo wordo escohi como atletanan di aña. Den presencia di Promer Minister di Aruba Sra.Evelyn Wever Croes, Minister Rudy Lampe, Minister di Deporte Danqui Oduber, Presidente di Comision Fijo den Parlamento di deporte y cultura Sr Endy Croes, Parlamentarionan Edgard Vrolijk, Shailiny Trompo Lee y Hendrick Tevreden, representantenan di Federacionnan, atletanan y invitadonan e anochi aki a culmina su mes den un anochi bunita cu hopi sorpresa. Segun Parlamentario Endy Croes ta un gran reconosemento pa un atleta cu a prepara su mes henter aña pa competi tanto local pero tambe internacional y a destaca y asina bin na remarke pa un of otro premio. Atleta di aña Special Olympics a bay pa Johhny Perez, Atleta di aña den Paralympics a bay pa Elliott Loonstra, Atleta di aña hubenil Paralympics a bay pa Yurwin Gomes, Deportista Femenino di aña scol basico a bay pa Dixienne Saavedra, Deportista masculino di scol basico a bay pa Vince Ramada, Deportista Femenino di aña pa scol avansa a bay pa Mary Ann Pieters, Deportista masculino di aña pa scol avansa a bay pa Joshwa Jansen, Scol Basico Washington tambe a ricibi un premio pa e scol cu ta motiva su alumnonan, Roya Angela tambe a ricibi reconosemento pa ta un tremendo atleta tempo di su tempo mientras Francisco Fico Vrolijk, Cedric Bronswinkel, Ricardi "Cadochi" Kock y Hyacintho "Sonny" Tromp a wordo reconosi como atletanan cu a gana promer medaya di "ORO" den weganan di Reino na 1967. Shariska Winterdaal a ricibi un premio pa su hazaña di core 500km rond Aruba pa un bon causa pa recauda fondo pa patientnan di cancer. Esnan cu a landa di Venezuela pa Aruba "Crossing for Hope" Davy Bisslik, Stephan Thijsen, Romar Arendsz, Deaxo Croes, Gwendolin Kock Croes tambe a wordo reconosi. Team cu a bira campeon Latinio Americano tabata riba stage pa nan reconosemento. Atleta Femenino di aña te cu 13 aña a bay pa Liv Farro mientras masculino te cu 13 aña a bay pa Gavin Kock. Atleta Femenino di aña te cu 18 aña a bay pa Elisabeth Timmer y nasculino te cu 18 aña a bay pa Giannon Eights. Atleta femenino di aña Thashaina Seraus "Bowling" y Atleta Masculino di aña a bay pa Mikel Schreuders "Zwemmen" . Parlamentario Endy Croes ta termina felicitando tur a cu ricibi un reconosemento y ta hasi un apelacion pa ban sigui traha mesun of aun mas duro pa cu aña 2019. Pabien na un y tur.

​​​​​​​

Wendy's Flavor Fest! Limited time only, Barbecue and Mushroom
ORGINAL SWAT