Poeta Frida Winklaar Domacassé a bishita Biblioteca Nacional Aruba pa entrega su ultimo publicacion titula ‘Tera’.

63 dia pasa , 15 di mei 2019 15:05
Seccion: social
foto di Poeta Frida Winklaar Domacassé a bishita Biblioteca Nacional Aruba pa entrega su ultimo publicacion titula ‘Tera’.
Boogaard Assurantiën - P'abo Ta Bon Segura!
Megavit - Lejuez Brothers International

Tera

Poeta Frida Winklaar Domacassé (1938) ta cu vakantie na Aruba y a tuma e initiativo pa bishita directora di Biblioteca Nacional Aruba pa entrega su ultimo publicacion titula ‘Tera’. Esaki ta un obra di 11 poema na Hulandes y Papiamento publica na 2018 di Frida Domacassé ilustra cu portet di Lineke Roseboom.

Frida Domacassé a nace na San Nicolas na 1938 di mayornan Boneireano y tin bunita recuerdo di un dushi infancia den un comunidad multicultural. Cu 16 aña el a bay studia na Hulanda pa docente y despues di su estudio el a keda biba y traha na Hulanda. Durante añanan el a keda bishita Aruba pa vakantie y tene contacto cu famia y amigonan. Cada bishita ta trece impresion cu Frida ta documenta pa medio di storia y poema. Frida a skirbi storia cortico y poesia pa hopi aña. ‘Tera’ no ta su prome publicacion, un otro publicacion por ehempel ta ‘Na caminda’. Frida ta publica pa medio di su website www.gedichtentij.nl. Frida ta forma parti di Simia Literario, un grupo di autor y poeta na Hulanda. 2 ehemplar di ‘Tera’ lo bay den coleccion nacional na Dept. Arubiana.

Riba potret (vlnr): Lineke Roseboom, Astrid Britten y Frida Domacassé

Prijs special pa Green Waste - Yama Mister Bucket!
ORGINAL SWAT