Macuarima Spark Elektra ta derota Celebreties den categoria AA

69 dia pasa , 13 di juni 2019 07:19
Seccion: deporte
foto di Macuarima Spark Elektra ta derota Celebreties den categoria AA
Boogaard Assurantiën - P'abo Ta Bon Segura!
foto di Macuarima Spark Elektra ta derota Celebreties den categoria AA
Megavit - Lejuez Brothers International

Campeonato fast pitch di Aruba Softball Bond a continua
Macuarima Spark Elektra ta derota Celebreties den categoria AA
Campeonato fast pitch di Aruba Softball Bond dedica na dos baluarte Jacobo Jansen y Gilbert “Nando” Maduro a continua riba veld di Dragon Hitters. Den categoria AA Macuarima Spark Elektra a enfrenta nan rival Celebrities. Macuarima ta pika ariba 2-0 den cabez di promer inning pero den bom di mesun inning Celebrities ta anota 3 pa bolter e score 3-2. Macuartima sinembargo ta rally y amplia cu 7 careda den cabez di 2 inning. Celebrities no tab aha cabez y ta anota 5 careda den bom di tres inning pa trese e wega serca 9-8. Macuarima Spark Elektra ta anota 4 careda mas den cabez di 4 y finalmente ta gana cui score di 15-10 den un wega di basta careda. Boxscore final Macuarima 15 careda, 15 hit, 5 error y ta laga 9 coredor na base. Celebrities 10 careda, 9 hit, 2 error y ta laga 7 coredor den circulacion. Macuarima a bati como equipo di 32-15 pa un averahe di 469 mientras Celebrities a bati di 28-9 pa un averahe di 321. Mester accentua cu Celebrities den su promer aña den AA ta pone equiponan traha duro y soda pa nan victoria. Mihor bateadornan pa Macuarima ta Jermain Ras di 3-2 cu 4 careda anota y 2 rbi, Randolph Pinedo 5-2, Edgar “Eddie” Flanegin di 5-3 cu un doblete y un triple cu 3 careda anota mas 3 careda impuha, Juan Chirino di 3-2 cu un doblete y Revelino Silie di 2-1. Pa Celebrities a destaca na plato Jonathan Ruiz, Joshua Wever ambos di 3-2, Jose Gomez di 3-2 incluyendo un triple, Gregory Manuel Jr, Wensley Kock y Samir Webb tur di 2-1. Albertico Noguera ta ricibi 2 ponche crema riba e anochi. Carlos Croes den su regreso den AA ta pone su promer victoria riba su nomber enfrentando 22 bateador den 3 inning lansando 31 bola, 49 strike pa un total di 80 pitch permitiendo 8 caredatras di 7 hit propinando 3 ponche y ta regala 2 base por bola. Lucio Geerman ta drenta relava y ta bay 2 inning permitiendo 2 careda tras di 2 hit den 10 bateador cu el a enfrenta y ta pone un wega salba riba su nomber. Jeremy Geerman ta resulta pitcher perdedor enfrentando 21 bateador permitiendo 10 careda y ta wordo releva pa Albertico Noguera kende na su turno ta haña relevo di Rudolf Angela. Diabierna anochi na Pos Chiquito pa 715pm Blackhawks lo midi forsa contra Black Joker mientras pa 9pm Royal Power lo topa Spuiters MIPA. Diabierna tambe pa 8pm na Dragon Hitters cu su pastechinan masha dushi y un bar bon prepara Piratas lo topa The Prodigies. Pues diabierna tin diferente wega pa waak. Fanaticada waak pa Bo tey!

Cumpra bo Lotto Online - Click to Play Now
ORGINAL SWAT