Polisnan di distrito 1 a tene un walkout pa evita e situacion di mal holor dañino paden di e warda!

10 dia pasa , 11 di juli 2019 12:31
Seccion: incidente
foto di Polisnan di distrito 1 a tene un walkout pa evita e situacion di mal holor dañino paden di e warda!
Boogaard Assurantiën - P'abo Ta Bon Segura!
foto di Polisnan di distrito 1 a tene un walkout pa evita e situacion di mal holor dañino paden di e warda!foto di Polisnan di distrito 1 a tene un walkout pa evita e situacion di mal holor dañino paden di e warda!foto di Polisnan di distrito 1 a tene un walkout pa evita e situacion di mal holor dañino paden di e warda!
Megavit - Lejuez Brothers International

Polisnan cu ta na warda di Playa a dicidi di walkout. Esaki tabata e prome informe cu a ricibi diahuebs merdia ora cu a mira un cantidad di polis para of sinta pafo di sede di Polis.
E situacion na Warda di Polis na Playa ta algo cu tin nan preocupa pa basta tempo caba.E polisnan ta mal contento debi cu tin un situacion fastioso na e warda cu nan no por haci nan trabao manera mester ta. Ta un situacion cu nan no por cumpli cu nan deber.Patruyanan ta sali ora tin mester, pero e situacion paden ta uno molestoso y nan tabata para pafo.

Tin di compronde cu ta haciendo algun flietmento den e edificio y e holor ta insoportabel pa cual nan a dicidi sali pafo, pa asina mustra nan mal contento cu e situacion aki no ta agradabel pa nan traha.

Vice presidente di SPA, Omar de Kort ta conta cu nan a haya un yamada algo prome cu 11’or, cu Total Cleaning ta haciendo algun trabao di limpiesa den e edificio. E coleganan a cuminsa haya iritacion den nan garganta, nan wowo tabata pica tambe. A base di esey a presenta na e sitio pa analisa e situacion.

“Nos no por papia di un walkout.” De Kort a splica cu Total Cleaning a yega di haci un limpiesa similar, faltando algun local. A planea e limpiesa, cu a pone e ora cu nan a saca e patruyanan pa traha na otro districto. Esta e patruya di Playa ta bay sinta den un otro districto pa atende e meldingnan di Playa. Den e caso aki esey no a tuma luga, pa un of otro motibo a lubida di avisa tempran cu esaki ta bay sosode, of a subestima e situacion cu tin den e edificio aki.

Na finalista e sindicalista a bisa cu “e deber di polis no a keda perhudica. Manera ya indica, no por yam’e un walkout. E coleganan a sali for di e edificio pa nan salud. No ta un walk out oficialmente. E ta mas tanto pa evita cu nan keda den e ambiente malo eynan, cu nan a bay sinta pafo. Naturalmente e sindicato ta sostene nan den esey tambe.”

NO TA PROME BIAHA
Antes e situacion aki tabata banda pazuid. E situacion ta keda cada biaha mesun cos, pasobra no ta bin un cambio den sistema di airco, etc. A papia cu e personal di Total Cleaning y a splica cu tin cierto cambionan mester tuma luga den e edificio pa evita e acumulacion di schimmel por afecta e sistema di airco.

PLANES
Segun de Kort oficialmente nan no tin mucho informacion si tin planes. Algun luna pasa tabata papia di mucha e warda di Playa pa Brown Building na Wayaca. Sinembargo esaki ta den preparacion ainda. No sa pakico ta tardando tanto, pero probabilidad ta pa bay na e edificio ya menciona. No sa si con e edificio ta, pa loke ta schimmel etc.
Pa loke ta e mudamento actual esaki ta algo temporario. Loke nan ta haciendo ta entre awe y mañan diabierna. Ya pa diasabra ta asumi cu tur cos ta limpi, cu e polisna por sigui traha bek for di e edificio en cuestion.

ORGINAL SWAT
Maaza - Mango, Fruitpunch, Passionfruit
ORGINAL SWAT