SIGUI NOS

awe24.com Den e version actual di AWE24, tin diferente manera con abo como usuario por participa activamente of follow up ariba e informacion cu nos ta publica na un manera pasivo.
Akibao tin un lista di servicionan cu AWE24 ta ofrece:

  1. Mobile Website
  2. QR code
  3. Facebook
  4. Twitter
  5. Google+
  6. RSS Feed

MOBILE WEBSITE

m.awe24.com E mobile website di AWE24 a wordo desaroya primordialmente pa ta corectamente visibel ariba un smart-phone manera BlackBerry. Telefonnan celular cu no ta cai den e categoria di smart-phones ta core e riesgo cu e website no lo ta completamente visibel.

Den aparatonan cu tin un pantaya mas grandi manera e iPad di Apple of e GalaxyTab di Samsung, e website den su forma original lo wordo mustra na e lector.

Particularmente pa BlackBerry smart-phones, e mobile version di AWE24 tin features nan extra manera shortcuts pa tuma contacto rapido cu nos reportero. Esaki ta wordo indica ariba (den e header di e website) y e lector por dicidi pa tuma contacto via un yamada of BB-PIN.

Ademas, nos ingenieronan a tuma delaster un precaution pa zorg cu e pagina habri den menos tempo posibel!

Pa subi e mobile website di AWE24 bishita http://m.awe24.com/ cu bo telefon celular.

QR CODE

Prueba QR code AWE24 E palabra QR-code ta un afkorting di e palabra 'Quick-Response code'. Esaki ta un forma nobo pa encodi informacion den un asina yama matrix barcode. El a wordo desaroya dor di Toyota y ta hopi popular na Japon, Hulanda y Sur Korea. E idea tras di QR code ta uno simpel. Hopi biaha bo no por corda e adres di un website of un pagina den e website. Mirando cu websitenan ta birando mas complica dia pa dia, esaki no lo yuda mehora e situacion tampoco. Loke e QR code ta haci ta alivia e necesidad pa corda e adres dor di print esaki den un forma cu e camera di bo telefon por detecta y lesa e adres. Unabez cu bo camera a capta e QR code e lo mandabo dibiaha na e pagina of website cu bo a scan. Tin algun model di telefon di celular Android, Nokia y BlackBerry cu tin QR code software instala caba. Sinembargo, nos departamento technico ta sugeri pa instala software special ja cu esakinan ta scan mas liher y pues lo scapabo mas tempo ainda. Algun software cu nos departamento technico a test y ta recomenda:

  • BeeTagg (subi e link aki cu bo telefon celular http://get.beetagg.com/)
  • i-Nigma (subi e link aki cu bo telefon celular http://www.i-nigma.mobi/)
  • NeoReader (subi e link aki cu bo telefon celular http://get.neoreader.com/)

Pa AWE24, nos departamento technico a dicidi pa implementa e QR code den e pagina di cada articulo pa asina duna e lector e opcion di lesa e articulo patras di su computer of ariba su smart-phone algun seconde despues di a scan e QR code.

Pues ki bo ta warda, download un di QR code software for di e lista akiriba y purba scan e QR code cu ta para den e pagina aki como prueba.

FACEBOOK

AWE24 tin algun añas caba cu a lanza e prome Facebook application pa Aruba esta AWE24 Social. Banda di e Facebook application, bo por post mensahe ariba nos Wall of laga un comentario atras den e pagina di cada articulo.

TWITTER

Mescos cu Facebook, AWE24 a implementa Twitter for di april 2009 pa informa tur followers cu kier keda pendiente y ricibi updates al instante. Si bo tin un Twitter account caba, bo por bira un follower dor di click ariba 'follow' ariba nos homepage: http://twitter.com/awe24/.

Google maps cu geolocation via Twitter Un otro feature nobo cu nos departamento technico a agrega ta Geolocation (un otro promer pa pais Aruba). Cu Geolocation ta posibel pa marca na unda un incidente a tuma lugar. E coordinaten Longitude y Latitude lo ta visibel den cada pagina di incidente pero mas importante ainda den cada Twitter update! Nos departamento technico ta di opinion cu esaki lo por ta informacion practico pa instancianan y autoridad.

 

 

 

GOOGLE+

Google+ ta un servicio similar cu Twitter y Facebook, esta cu e ta nabo e opcion pa comparti informacion cu bo ta wak ariba AWE24 cu otro usuarios. Pa mas informacion ariba Google+, bishita https://plus.google.com/.

RSS Feed

Hopi lector ta gusta e concepto di RSS Feed y den pasado a critica AWE24 di no a implementa esaki. Scuchando na tur e criticanan, e departamento technico a dicidi pa finalmente implementa esaki. Pa bira miembro di e RSS feed subi http://www.awe24.com/rss.

TUMA CONTACTO CU NOS!

Feedback na nos servicio ta un aspecto cu nos ta tuma hopi serio. Si bo tin un remarca ariba un incidente por fabor tuma contacto na e siguiente number y email adres: .

Si bo ta desea pa pone propaganda of comunicado di prensa tuma contacto cu AWE24 na: .