Un detencion pa sospecho di abuso sexual riba Carnival Conquest

25 dia pasa , 27 di december 2018 21:57
Seccion: incidente
foto di Un detencion pa sospecho di abuso sexual riba Carnival Conquest
Boogaard Assurantiƫn - P'abo Ta Bon Segura!
foto di Un detencion pa sospecho di abuso sexual riba Carnival Conquest  foto di Un detencion pa sospecho di abuso sexual riba Carnival Conquest  foto di Un detencion pa sospecho di abuso sexual riba Carnival Conquest
Smart Systems Aruba - Bishita nos page pa mas informacion

Diahuebs mainta a drenta informacion for di capitan di e barco crucero, Carnival Conquest, cu nan mester autoridad pa un caso serio.
Ora cu a pidi presencia di ambulance, un dama cu tabata riba e barco, a wordo transporta pa hospital despues cu el a denuncia cu e lo a wordo abusa sexualmente riba e barco.
E barco crucero aki a yega Aruba den oranan di mainta y mester a bay diahuebs atardi 5'or.
E dama, despues di tur e testnan haci na hospital, a bin bek na e barco y mientras tanto autoridad a wordo notifica di e caso y pesey mes a activa mesora maritiem politie. A pidi presencia tambe di Cuerpo Tecnico. Ora cu Cuerpo Tecnico tambe a yega, a pidi tambe presencia di recherche. Personal di Jeugd en Zedenpolitie, cu ta e autoridad cu ta encarga cu e casonan di abuso sexual y moralidad, a presenta y despues di nan investigacion riba e barco, a bay over na detencion tambe di un pasahero cu ta riba e barco. Tur cos ta mustra cu e pasahero aki, tambe ta un turista cu ta di bishita riba e barco y pa un of otro motibo e lo a abusa di e dama, kende tambe tabata riba e barco crucero.
Autoridad, despues di investigacion a bay over na detencion di e pasahero aki. Pa motibo di esey, e barco no por a sali 5'or. Despues di e detencion a pidi tambe dogcatcher pa bin busca e persona. Personal di JZP y fiscal auxiliar a atende cu e turista aki. E persona a keda deteni y a bay cune na warda di Shaba, unda cu lo keda pendiente pa e investigacion cu ta tumando luga, relaciona pa un posibel abuso sexual abordo di e crucero Carnival Conquest. Despues cu tur cos a caba, e barco por a bandona Aruba pasa di 9'or di anochi cu cuater ora di retraso pa su siguiente destinacion.
Esey ta un caso hopi serio di posibel abuso sexual riba barco crucero.

Maaza - Coconut water and Mango
ORGINAL SWAT