Diadomingo atardi a drenta informe di un accidente cu hende herida na Turibana, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un dama coriendo un scooter a ser ataca pa un cacho cu a core sali for di un cas y a bay subi caminda atake y esaki a pone perde control y dal abao. Debi na e caida ela herida su man y rudia. Na yegada di e ambulans nan a atende e dama na e sitio mes pero e dama no tabata desea di bay hospital pa un atencion medico mas avansa.