Den oranan di anochi a drenta informe di un accidente banda di Wan Li Supermarket na Madiki, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu un auto a sali for di Wan Li Supermarket y a dal e auto y a sigui core bay. E accidente aki a keda graba pa camaranan di seguridad di e supermercado y polis a keda di pasa busca esaki. Lo ta mihor pa e chauffeur aki mes presenta na warda di Balashi pa evita cu polis bay cerca dje na su cas of trabao.