Diadomingo mainta a drenta informe di cutin un hoben cara blausa y casi sin paña na e centro comercial dilanti Holiday Inn, mesora a dirigi un patruya na e sitio. Na yegada di e patruya a bin topa un empleada cu a declara na nan cu ela a haya un hoben pia abao unicamente cu un boxer bisti abao drumi, ela lanta esaki y papia cun’e. polis tambe a papia cu e hoben cu a declara cu e mes no ta corda con ela yega eynan. E unico cos cu e ta corda cu e tabata envolvi den un pelea na The Village unda nan a dal e. Polis a pidi e vehiculo di transporte pa dun’e un lift pa su cas. Polis a bis’e si e sa ken a dal e e por bay hospital pa traha un rapport medico di e maltrato y bay entrega keho na recherche.