Empoderando comunidad y inspirando futuro generacion

ORANJESTAD–  Cu masha orguyo Aruba Airport Authority N.V. (AAA) ta publica su di tres rapport tocante Corporate Social Responsibility (CSR) pa aña 2023. E informacionnan di Corporate Social Responsibility (CSR) tin e meta pa informa diferente stakeholders, incluyendoempleado, inversionista, proveedor y comunidad, con e compania ta contribui na e metanan di un desaroyo sostenibel mediante e uzo di data p’asina midi progreso.

Na aña 2021, AAA a publica su prome CSR y na aña 2022 a publica e di dos, haciendo uzo di  Sustainable Development Goals (SDGs) di Nacionnan Uni, Corporate Social Reporting Directive (CSRD) y e European Sustainability Reporting Standards (ESRS) como nan guiaprincipal. E rapport di CSR di aña 2023 ta refleha e guia principal di e presentacion di Airports Council International (ACI) ESG, incluyendo e areanan ambiental, social y di bon gobernacion, cu ta destaca actividad, proyecto y logro di AAA.

Ademas, e rapport di CSR ta brinda un descripcion general di e contribucion social di Wings of Hope di AAA cu un enfoke continuo riba e ehecucion di diferente proyecto socialmenteresponsabel. Pa por obtene un descripcion general di e logronan y e contribucionnan di Wings of Hope di AAA, e aña aki a introduci un SDG Index den e rapport p’asina midi desaroyo y prioridadnan di aña 2021 pa aña 2023 y pa yuda identifica cualkier oportunidad nobo. AAA lo concentra pa crea un SDG Index similar pa tur esfuerso di AAA den futuro. Pa aña 2024, tin varios area pa enfoca bou aspecto ambiental, social y di maneho cu lo atende cu ne.

Segun cu AAA ta sigui enfoca riba su impacto ambiental y social y den realisa negociacion di un manera sostenibel, AAA tambe ta ofrece diferente presentacion y recomendacion na diferenteotro compania cu e meta di tin un impacto positivo y pa inspira otro companianan pa hacimescos. E rapport CSR 2023 ta disponibel riba website di Aeropuerto di Aruba: www.airportaruba.com/sustainability

Tocante AUA Airport

AUA Airport ta un di e aeropuertonan mas ocupa den region Caribe, cu mas di 25 diferente aerolinea operando na Aruba contribuyendo na casi 3 miyon pasahero pa aña y brindando servicio aereo na 31 pais y 45 destinacion non-stop rond mundo. Di e mercadonan cu AUA Airport ta brinda servicio na dje, 79% ta di Merca y Canada, 14% ta di Latino America, 4% ta di Europa y 4% ta di Caribe Hulandes. AUA Airport ta reconoce cu esaki ta danki na un economiastabiel, clima politico, hospitalidad, populacion diversifica y siguridad general di nos isla. AUA Airport su aspiracion ta pa converti den un di e aeropuertonan mas sostenibel, sigur y prepara pafuturo den e region di Latino America y Caribe, brindando un espacio laboral confiabel, cuinstalacionnan moderno y ademas cu un excelente servicio n’e cliente p’asina por refleha e hospitalidad di Aruba, contribuyendo na un futuro prospero pa Aruba.

Haya sa mas di loke ta pasando na AUA Airport door di bishita www.airportaruba.com y conecta cu AUA Airport riba Twitter.com/Aruba_Airport, Facebook.com/ArubaAirport, Instagram.com/arubaairport