Diahuebs mainta a drenta informe di un accidente cu hende herida dilanti di Polyrama Auto Parts na Sero Patrishi, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un Suzuki Swift cu no a duna preferencia na e Hyundai Accent. Debi na e impacto un di e chauffeurnan a bira malo y a rekeri atencion di ambulans. Na yegada di e ambulans nan a atende pero e chauffeur no tabata kier a bay hospital cu ambulans y a firma cu e ta keda na e sitio. Cu takelwagen a hala ambos auto for di caminda.