Diasabra anochi a drenta informe di un accidente cu hende herida na Shaba, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un dama chauffeur bao influencia coriendo den un auto Hyundai Creta meymey di caminda y a bay dal semi frontal riba un Honda CR-V cu tabata bayendo nort y nan a dal den otro. Debi na e fuerte impacto den ambos vehiculo tabata tin un persona herida. Na yegada di e ambulans nan a atende ambos victima y a transporta un di nan pa hospital mientras e otro a ser atendi na e sitio mes. Ora cu a bay test e dama ela supla surpasando e limite permiti y a detene.