Diadomingo atardi a drenta informe di un accidente cu hende herida na e crusada banda di Wema Ponton, mesora a dirigi tanto polis como ambulans. Na yegada di e patruya a bin compronde cu e dama chauffeur di e Mazda CX5 biniendo di pabao y a bay crusa e caminda bay Noord pero no a calcula bon e velocidad di e Hyundai Accent bayendo nort y ora e ta yegando e otro banda e Accent a dal e Mazda den banda. Debi na e fuerte impacto e chauffeur di e Accent a resulta herida y tambe un mucha muher sinta den e Mazda net na banda drechi unda e impacto tabata a resulta herida. Na yegada di e ambulans nan a atende e victimanan despues di esaki e mucha muher a nenga di bay hospital mientras e chauffeur di e accident si a ser hiba pa hospital.