Diadomingo anochi a drenta informe di un accidente cu hende herida na e rotonde Tarabana, mesora a dirigi tanto polis como aambulans na e sitio. Na yegada di e patruya a bin compronde cu aki ta trata di un accidente unda e chauffeur di un pick-up no a logra para pero a sigui stret subi e rotonde y a bay dal riba un mata. Debi na e impacto e chauffeur a resulta herida y tabata keha di hopi dolor den pecho. Na yegada di e ambulans nan a atende e victima.