Diahuebs mainta a drenta informe di cu un auto a dal y pasa riba curpa di un mucha di school na S.P.O. na Brazil, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un mucha cu a caba di baha pazuid di caminda di e S.P.O. Brazil y a bay crusa dilanti e bus y un Hyundai Tucson ta pasa e bus y a bay dal e mucha y despues pasa riba dje bay para un poco mas leu. Debi na e impacto y e pasa cu e auto a pasa riba dje a lag’e herida. Na yegada di e ambulans nan a atende y a transporte cu urgencia pa hospital. E supuesto chauffeur no tin rijbewijs pero tabata tin testigonan cu a declara cu un hoben tabata na stuur!