Diabierna den oranan di atardi a drenta informe di un accidente na Weg Rooi Hundo, mesora a dirigi un patruya na e sitio. Na yegada di e patruya a bin compronde cu un Chevrolet suv coriendo manera iresponsabel a perde control hera dal riba un cura di cas y despues bay bolter otro banda di caminda cay bek riba su wielnan. Testigonan a mira 3 hoben core sali bandona e vehiculo. Polis a revisa e papelnan cu no tabata na ordo. Un di e hobennan so lo a herida su pols y nan a bandana e sitio. Bisiñan a pidi DOW pa por fabor haci algo y pone dos “sleeping” polis mirando cu ya caba a cuminsa bira manera un costumber cu ta drift y pasa cu velocidad halto unda pa teme pa lo pio unda e bario no kier wak un accident cu morto dilanti nan porta cas.