Diabierna atardi a drenta informe di un accidente dilanti Cayena Mall den Caya G.F. “Betico” Croes, mesora a dirigi un patruya na e sitio. Na yegada di e patruya a bin compronde cu aki ta trata di un accidente pa falta di preferencia unda e chauffeur di un Ford biniendo for di Sero Blanco no a para duna preferencia na e Hyundai biniendo for di Tarabana y nan a bay dal den otro. Afortunadamente e sla ta limita y ningun hende a resulta herida.
