Antayera Guarda Costa a ricibi un yamada di auxilio for di un school di buceo na Curaçao, solicitando ayuda den e buskeda di un buceado desapareci cerca di Piscadera. E homber un buceado experimentado, a bayvcu su ekipo di buceo pa bucea. E school di buceo, cu tabata bishita frecuentemente Piscadera, a bati alarma ora e homber no a bolbe na e ora acorda. Despues di e yamada di auxilio, Guarda Costa a despacha e helicopter, e avion Dash y un boto patruyero pa yuda busca e buceado perdi. Otro buceadornan y botonan tambe a uni na e buskeda. Desafortunadamente, e homber no a ser encontra durante e labornan di buskeda te den oranan laat di atardi. Den oranan di mainta e curpa di e buceado desapareci a ser encontra cerca di Piscadera.
Unidadnan di Guarda Costa, hunto cu e ekipo di buceo di CZMCarib y otro buceadonan a descubri e curpa di e belgo, residente na Curaçao, durante un buskeda den a area di Piscadera. Guarda Costa a entrega e curpa sin bida na cuerpo policial di Curaçao. Guarda Costa ta extende palabranan di forsa na famianan y amistadnan durante e momentonan dificil aki.