Diabierna madruga a drenta informe di un accidente cu hende herida riba e caminda di Ser’i Teishi bayendo pabao, mesora a dirigi tanto polis como ambulans na e sitio. Na yegada di e patruya a pidi pa 2 ambulans como cu ta 2 motociclista lo a dal den otro di cual un ta mas herida cu e otro. Locual a sosode ta cu un di nan a slip riba e caminda dal e otro banda di dje y bente abao pa cual ambos motociclista a resulta herida mientras esun di 3 a logra desvia. Na yegada di e ambulans nan a atende ambos di cual un di nan a haya sla na cara y su man. Nan a transporta ambos pa hospital.