Diamars mainta a drenta informe di un accidente cu hende herida entre 2 Honda Fit na e crusada Driemasterstraat cu Prof. Lorentzstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente pa falta di preferencia unda un Honda Fit biniendo for di pariba den Prof. Lorentzstraat no a duna preferencia na e otro Honda Fit bayendo nort den Driemasterstraat y nan a dal den otro. Debi cu e “airbag” a “deploy” esaki a bay dal e damita di den e Honda Fit di Prof. Lorentzstraat y a heride. Na yegada di e ambulans nan a atende e damita na e sitio mes.