Diaranson atardi a drenta informe di un accidente cu hende herida na Sero Patrishi/Tanki Leendert, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di un Hyundai Elantra pa motibonan desconosi a bini cu velocidad halto dal tras di un Pick-up. E impacto tabata fuerte te cu a manda e pick-up un bon distancia mas di 20 meter dilanti. Debi na e impacto e chauffeur di e Elantra a resulta herida. Na yegada di e ambulans nan a atende e victima y a transporte pa hospital.