Dialuna merdia na warda di polis Oranjestad a yega un homber di edad tur maltrata y golpia despues di tabata envolvi den un pelea, mesora a solicita presencia di ambulans na e sitio. Na yegada di e ambulans a bin logra compronde cu e homber di edad aki lo tabata envolvi den un pelea unda a maltrate y a golpi’e cu un palo na su cabes. Asina mes ela cana yega na e warda di polis pa denuncia locual a pasa cun’e. Na yegada di e ambulans nan a atende y a transporte pa hospital.