Diaranson anochi a drenta informe di un accidente basta serio cu hende herida na e crusada banda di Italo Arubano na Koyari, mesora a dirigi tanto polis como ambulans na e sitio. Na yegada di e ambulans a nota cu tin un dama so cu a resulta herida, mesora a e personal di ambulans a atende y a transporte pa hospital. Na yegada di e patruya a bin compronde cu aki ta trata di un accidente entre un pick-up Ford Ranger cu sin para a yega subi e crusada birando masha cortico mes na man robes y sin duna preferencia na e Hyundai Tucson biniendo cu preferencia riba e caminda principal. E pick-up a pusha e Tucson te otro banda di caminda y hunto nan a bay dal e cura di Italo basha esaki abao.