Diasabra mainta tempran a drenta informe di cu cacho lo a morde un persona na Milonstraat y ta benta abao, mesora a dirigi tanto polis como ambulans na e sitio. Na yegada di e patruya a bin haya un persona di edad benta abao y no por a contesta kiko a pasa cun’e. Un persona a bisa cu ela yega haya e persona benta abao eynan y cu e lo ta malo. Un poco prome polis mes a mira un hende purbando di hinca un pitbull masha brabo (pasobra e cacho aki a bay pa ataca un otro persona cu kier a purba yud’e hinca) e cacho den e van. Na yegada di e ambulans no por a haya ningun marca visible di e mordi riba e victima y no tabata papia. E personal di ambulans a purba atende y a transporta e victima pa hospital.