Diamars mainta a drenta informe di un accidente cu hende herida na e crusada Caya Juancho Kock cu Caya Papa Juan PabloII, mesora a dirigi un patruya na e sitio. Na yegada di e patruya a bin compronde cu aki ta trata di un accidente pa falta di preferencia unda e dama chauffeur di un Toyota Agya a subi e crusada sin a duna preferencia na e Toyota Vitz y a bay dal esaki y ambos a bay dal dos otro autonan staciona respectivamente un Toyota Rav y un Kia Picanto schuin otro banda di caminda. Debi na e impacto e dama chauffeur di e Agya a resulta herida y tabata keha di dolor na su pecho. Na yegada di e ambulans nan a atende e dama na e sitio mes.