Diaranson merdia a drenta informe di un accidente cu hende herida na e crusada pariba di Le Vent na Eagle Beach, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un Suzuki Ertiga no a duna preferencia na un Nissan Serena y a bay dal riba dje, Debi na e impacto un persona den e Serena a resulta levemente herida. Na yegada di e ambulans nan a atende e victima na e sitio mes.