Diasabra madruga a drenta informe di un accidente cu hende herida na Laurens Costerstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di e spiel di un auto pasando a dal un peaton bente abao lag’e herida. Na yegada di prensa un señora hopi fresco y sin manera a bay pone man dilanti e camara y kier a kita e camara for di e reportero, pero e reportero no a lag’e haci tal cos. E reportero a alerta e otro reporteronan di otro media y a cuminsa haci nan trabao na un distancia safe y di lomba pero asina mes e señora aki cu aliento stinki di alcohol cu sigaria bay riba un otro reportero y kier a haci mesun cos y finalmente ela bolbe bay ataca un otro reportero cu no a worry mes cun’e. Na yegada di e ambulans nan a atende e victima na e sitio mes.