Diabierna mainta, e Centro di Operacion Maritimo (MOC) di Guarda Costa a ricibi un aviso di emergencia riba lama cerca di Bonaire. Ta trata aki di un boto piscado cu 2 persona di Bonaire aden. E boto a cuminsa pasa away nan a contacta Guarda Costa mesora riba radio VHF canal 16. E centro di operacion a notifica mesora e personal di e helicopter pa nan dirigi nan mes inmediatamente na e barco pa posibel asistencia. Tambe a informa e demas autoridadnan di Bonaire di e caso aki. Mientras tanto, dos barco cu tabata cerca di e incidente cu tambe a scucha e yamadanan tambe a sali pa bay yuda e 2 personanan aki. Na nan yegada un di e barconan a logra rescata e pisacadornan den awa. Na Bonaire a forma un ekipo consistiendo di Douane, Polis Militar di Reino y e personal di Guarda Costa. Nan a sali mesora den e boto di Douane “Kinikini”, pa rescata e 2 piscadornan. Autoridad a tuma e 2 piscadornan for di e otro barco cu a rescata nan y a hibanan bek na tera. E 2 piscadornan tabata den bon estado di salud y no tabata tin mester di atencion medico.