Diadomingo madruga a drenta informe di un accidente cu un persona herida banda di C.M.B. na Palm Beach, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente pa falta di preferencia unda un auto Chevrolet Spark no a para pa duna preferencia na e Mercedes Benz GLE400 y debi na e impacto e auto a bay dal e borchi di e restaurant. Debi na e impacto e chauffeur di e Spark a resulta levemente herida. Na yegada di e ambulans nan a atende e victima y a transporte pa hospital.