Diasabra mainta a drenta informe di un accidente di auto cu un scooter y un persona levemente herida, mesora a dirigi tanto polis como ambulans na e sitio. Na yegada di e patruya a bin compronde cu na altura di Hooiberg e chauffeur di un pick-up bayendo pabao a bay dal un U-Turn pero e no a mira e electric scooter su tras y e scooter a bay dal riba dje. Debi na e impacto e motociclista a resulta levemente herida. Na yegada di e ambulans nan a atende e victima na e sitio mes. E pregunta cu tur hende lo haci nan mes ta si electric scooter enberdad tin mester di plachi number of no?