Diamars mainta a drenta informe di un accidente cu hende herida den Neptunestraat, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di un U.T.V. Honda Pioneer 1000 a bay banda robes di caminda y a bay dal riba un Nissan March staciona pusha esaki bay dal tras di un Ford Escape. Debi na e impacto e chauffeur di e U.T.V. a resulta herida cu un kap basta profundo na su cabes. Na yegada di e ambulans nan a atende e victima y a transporte pa hospital. Hunto cu e chauffeur tabata tin tambe un “puppy” den e U.T.V. cu no a resulta herida pero si tabata hopi spanta. Ademas polis a haya un substancia parecido na droga den e auto.